丁子高禁千嬅做危險動作
丁子高前晚單拖睇郭富城尾場個唱，完騷後入後台探班，才知城城曾跌落台，昨日他接受電話訪問說：「自己睇唔到，仲以為係表演，之後城城出嚟跳彈床，完全唔覺佢跌倒，佢真係香港數一數二有毅力歌手，挑戰人體極限，普通人一定受傷，相信佢有操練開身體先冇事，都戥佢驚險。」
若老婆楊千嬅再開騷，丁子高直言不准她做高難度動作：「咪搞，唔啱佢，唱歌算嘞。」又說老婆現懷孕三個多月，笑言不讓她出街，要胎兒大些才安心，現未知BB性別，但仔女都冇所謂！他又說當初知道千嬅有咗開心到唔識喊：「最激動係有次佢仲要着七吋高踭鞋出席活動，我勁驚！」有指千嬅為胎兒驗唐氏綜合症，他說只是普通婦產檢查，而她將於下周出席活動。
此外，前晚捧場的嘉賓還有何超雲和陳山聰拍拖睇騷、甄子丹一家四口、劉嘉玲、薛芷倫、鄭融、楊愛瑾等，星光熠熠。