阿佘講「和諧」 遭內地河蟹

佘詩曼主演的《天與地》雖遭師奶唾棄,卻被網民奉為神劇,無綫破天荒將全劇29集上載myTV供網民任睇任Like,阿佘大結局中一句關於和諧的對白,雖被網民截圖熱捧瘋傳,但有傳該圖已被內地河蟹。

阿佘昨日由內地返港,以愛心大使身份出席《匯獅迎龍關愛耀香江》,對有傳「和諧不是一百個人說同一番話,和諧是一百個人說一百句不同的話,而又互相尊重。」的對白截圖被河蟹。她說:「我唔知情況,了解吓先。(擔心受影響?)我有留意內地禁播,有啲愕然同可惜,作為演員好被動,拍嗰時飛紙仔,心情擺晒喺對白同演出,冇諗咁多嘢。(無綫將全齣劇上載myTV?)個劇嘅觀眾係上網年輕一代,會鍾意呢個安排。」

奇怪結局會流出

阿佘被問到無法憑《天》劇氣勢角逐視后,她說:「唔重要,個劇有口碑、有回響,成為城中熱話已經好成功。(有指大結局喺YouTube率先流出,係要令無綫收視被壓低?)唔多唔少會受影響,不過我都奇怪,呢啲應該係TVB高度機密。」阿佘被問到緋聞男友鄭嘉穎再戰樂壇,她說:「佢都好鍾意唱歌,(唱畀你聽?)佢唱歌要收錢架!」

無綫新任行政主席梁乃鵬昨日現身電視城,對於《天》劇遭內地禁播,他表示看不到政治隱喻,更大讚該劇夠創新,但承認未必好多觀眾會接受。

全劇播足一個月

而無綫外事部副總監曾醒明解釋破天荒將全齣29集《天》劇上載myTV:「呢次係特別處理,因為劇種與別不同,成為城中話題,吸引網民同中產人士,有觀眾反映想重溫,所以徇眾要求,為期一個月。」

文:影視組