方大同約Fiona慶功
方大同前晚於叱咤頒獎禮中個人得五獎成為大贏家，他最開心是奪得作曲獎，問他可預計到會得至尊歌曲大獎？他說：「冇諗過呀！最開心係陳奕迅、盧廣仲頒獎畀我！」至於擊敗陳奕迅成為大贏家，他說：「唔好咁講，大家各有身份。」
提到緋聞女友薛凱琪（Fiona）在台下見他得獎時，比他笑得更開心，大同反問：「係咩？不過唔好咁講啦，講到我好似淨係得佢一個朋友咁。」記者笑他只得Fiona一個緋聞女友，他說：「咁耐都係嘅，（咁佢係咪真女友？）歌手入面係最好朋友。」問他二人私下是否最好，他則避而不答，再追問他可會與Fiona慶祝？他即表示會私底下請她吃飯。