Madi R.最愛搞笑男

混血模特兒Jessica C.（JC）師妹Madi R.，自小就很「男仔頭」，從沒想過會成為模特兒，只因長大後看了很多關於fashion的電視節目，才開始想做model。視JC為目標的Madi說：「我想擴闊視野，會期待機會出現。我偶像係楊紫瓊，但我依家仲細，未知自己係咪想做功夫女星。」

現年20歲的Madi覺得這年紀有點尷尬，像處於女人與女孩之間。問她會否戀愛大過天？她說：「我冇男朋友，（擇偶條件？）我鍾意搞笑嘅男仔，好似葛民輝咁樣。我希望將來男伴甜美又有自信，仲要愛我媽媽，甚至愛我嘅家庭呢。」可見Madi是一名孝順女。