徐淑敏掹車邊潮拜步姐
濱崎步（步姐）契媽、日本內衣品牌老闆娘野口美佳再婚，下嫁日籍攝影師裕介，選擇聖誕夜於東京Grand Hyatt設喜宴，日本藝能界紅人深田恭子、中山美穗等紛紛亮相，場面可謂星光熠熠。身為契女的步姐無懼嚴寒，以背心短裙現身，上台獻唱，席間她更有求必應，不時與粉絲合照，惟要求賓客們只能私藏合照。
與新娘子一向私交甚篤的黃浩（Kenny）與老婆徐淑敏（Suki）專程飛往當地「贈興」，昨接受長途電話訪問更大爆老婆軼事謂：「Suki好鍾意步姐，對方喺度準備時，Suki已經一眼認出佢並狂叫，心情興奮到難以形容。」
Kenny續謂：「美佳好有心思，準備咗一大袋各式各樣嘅回禮畀賓客，當然包括佢代理嘅女性性感內衣啦。（咁你送咗乜畀佢？）出發前問過佢嘅助手，最終都係送上大利是，咁樣比較實際。」當晚紅、白酒及香檳全場任飲，不少賓客盡興而歸。
中山美穗fit爆獻唱
近期鮮有露面的中山美穗早已封咪多時，她偕丈夫專程由巴黎返日出席，亦上台高歌被改編成廣東歌《唯獨你是不可取替》的代表作，Kenny形容對方水準仍在。
雖然今次行程只得短短三日兩夜，Kenny夫婦昨午仍偷得浮生半日閒，選擇在銀座附近逛街血拼，最後Suki冇乜買衫，只買了五、六盒頂級牛肉、醬汁和靚酒打算回港跟好友分享。
文：影視組