志雲擲2,200萬 歎西九無敵海景
無綫前總經理陳志雲辭職後即成為搶手貨，有傳有內地製作公司出價千萬羅致旗下包拍《志雲飯局》。「錢」途一片光明的志雲日前與昔日愛將寧進到西九睇新盤示範單位，據悉志雲睇中逾二千二百多萬的無敵海景高層單位。
陳志雲早前宣布辭去無綫總經理職位，明年一月八日將啟程到美國遊學。有傳有內地製作公司以千萬天價羅致旗下包拍《志雲飯局》。據悉，他有意搬離位於亞皆老街舊居，現正物色有利事業發展的安樂窩。
日前本報發現志雲在昔日愛將、現已轉職地產界的前藝員寧進陪同下，參觀「御金‧國峯」示範單位。由於當日是假期，不少市民亦認出志雲。志雲在寧進陪伴下參觀兩個一千二百呎及一千五百呎的示範單位。雖然樓盤未公布呎價，但據業內人士指意向呎價約為港幣一萬五千元。
杏兒買大埔豪宅
志雲細心參觀後，據悉他睇中價值二千二百多萬港元的無敵海景高層單位。吸金能力驚人的他，絕對不比無綫視帝鄭嘉穎、視后胡杏兒遜色。無獨有偶，最近杏兒亦被發現到奧海城睇大埔豪宅新盤，鄭嘉穎亦透露有意明年入市買樓，三人實行齊齊返內地掘金在港買「磚頭」。
方便返內地工作
對於好友志雲有意買豪宅，寧進接受電話訪問時稱：「我都係畀啲投資意見佢，聽講佢幫內地公司拍嘢。個盤喺西九，可以連接內地嘅高鐵，加埋配套真係好啱佢。其實大家平日都有交換投資心得，大家都好贊成投資『磚頭』，加上佢冇時間睇住啲投資項目，買樓係最穩陣嘅投資。」現時轉戰地產界的寧進坦言當日離開無綫發展，也得志雲鼓勵和支持。現時輪到志雲離開無綫，作為好友當然要支持。
文：影視組