Amanda S.分享白色聖誕
名模Amanda S.今年首次做老闆娘開餅店，藉着今天是平安夜，她特別設計出別致的聖誕餅，好讓大家都能在普天同慶的聖誕節上分享！
Amanda表示她夢想中的聖誕節要有鹿車、雪人及星星等，故此這些主題都出現在蛋糕及餅上，她說：「我細個喺法國過白色聖誕，大個咗去瑞士滑雪都有過白色聖誕，不過香港就唔會落雪，所以特別做雪人餅，等香港人可以幻想一個白色聖誕！」
下月21日便31歲的Amanda，笑言生日願望是希望可以有時間休息：「每日都係瞓幾個鐘，身體就快負荷唔到，出年去不丹度蜜月嘅機票都未買，因為真係冇時間，不過雖然忙，但忙得好開心，有機會為自己嘅夢想奮鬥，係一件幸福嘅事，新一年希望每個人都快樂！」
