圈中人
圍巾是秋冬必備的保暖單品，也是百搭易襯的時尚配飾，即使配襯一身簡單打扮亦可凸顯個人品味與個性，一眾名媛明星紛紛親身演繹。而圈形的圍巾款式（圍脖：Cozy wrap）在今個冬日更是特別流行，絕對是潮人的搭配之選，但謹記圍脖一定要夠粗夠厚，才能穿出潮爆效果。名模陳嘉容大讚蔡卓妍的圍脖Look是最佳示範，賭王千金何超蓮則散發青春氣息。
何超蓮
「好有青春氣息，好有少女味，顏色Match得好靚，條圍脖都配搭得好靚，簡簡單單已經好好睇。」
蔡卓妍
「着得好有自己嘅Style，好靚，圍脖夠Bulky，啱Size，好Fashionable，同一身嘅打扮好Match，由頭到腳都係同一個色Tone，係好好嘅示範。」
梁安琪
「OK，顯得精神奕奕、神采飛揚，大方得體，亦都好有貴氣。」
林嘉欣
「鄰家小女孩嘅感覺，好配合佢清純嘅性格同親切嘅個性，舒服大方，就算做咗媽咪都依然係一個甜姐兒，好Sweet。」
吳若希
「九唔搭八，上面蒸鬆糕，下面就賣涼粉，好唔Balance，成個感覺怪怪哋，而且撞色撞到七彩，唔夠時尚。可以着番對Leggings，襯對Boots會Match番啲。」
黎 明
「穩穩陣陣嘅打扮，傳統嘅頸巾配搭，好啱佢嘅身份。」
梁漢文
「官仔骨骨，男仔着大褸幾型，佢都Carry得好好，斯文得嚟又有型，卡其色襯紅色感覺好佻脫同有活力，好Sharp醒。」
吳卓羲
「本身着得無咩問題，但係個圍脖嘅Size好尷尬，望落好似頸箍咁，無咗嗰種潮嘅效果，同埋佢咁健碩嘅身形都唔襯個咁細嘅圍脖，搞到個比例錯晒，如果個圍脖Double size會好睇啲。」
陳嘉容Profile
香港名模，曾為各大國際品牌行時裝騷，在時裝界打滾多年，對時裝方面的認識無論是理論還是實戰都難不倒她，近年更為電視時裝節目擔任主持，化身Stylist教人配襯衣着打扮。