甄子丹印度rock友舞謝君如
甄子丹在賀歲片中飾演一名搖滾歌手，其中一場戲要穿高踭鞋化身印度人大唱又跳，盡現搞笑天分。相反，拍檔吳君如則大嘆跳到差點虛脫，大叫呻笨。
「宇宙最強」甄子丹除了功夫了得之外，化身電影笑匠亦難不倒他。他與吳君如在黃百鳴賀歲片《八星抱喜》中，攜手合作大放笑彈。戲中甄子丹飾演一名失意的搖滾歌星，其中一場戲更以印度人的造型示人。子丹為了這場戲，事前與君如已秘密練習歌舞，他說：「為了配合呢場歌舞和印度人造型，我不但要塗黑塊臉，仲要着高踭鞋載歌載舞。當我着晒成套戲服時，自己都嚇咗跳，因為出嚟嘅效果幾可亂真，再加埋現場音樂，真係好似置身印度一樣。」他表示自己睇到個樣都覺得好笑，希望大家喺銀幕上見到他的功夫外，亦睇到他搞笑一面，他說：「票房好會證明我嘅付出係有回報。希望觀眾可以感受到我的誠意。」
做過氣歌手頂硬上
拍檔吳君如則表示應承子丹做過氣歌手，覺得自己很傻，她說：「以往拍賀歲片都係好舒服。點知今次就要拍幾個MV，又要唱歌、又要跳舞，佢（子丹）就梗係無問題，本身有做開運動，體能都可以應付得到。拍嗰時我見佢跳得咁落力，我都惟有頂硬上，點知拍咗成日，我差啲虛脫咁滯，真係自己搵自己笨。」
文：影視組