譚耀文爆紅身價2千萬
譚耀文（阿譚）早前不甘屈就陪襯黎耀祥，推掉無綫劇《大太監》，迅即於內地接下同樣演太監的《后宮》，該劇搶閘推出，成功搶頭啖湯之餘更令阿譚爆紅，有製作公司不惜以二千萬包薪兩年邀其加盟。
公認演技出色的譚耀文，近年於內地頻頻接劇，年年賺到盆滿缽滿，據知早前無綫有意斟其回巢拍攝重頭劇《大太監》，與黎耀祥、米雪等合作，不過阿譚不甘該劇重點全放在近年備受重視的兩屆視帝黎耀祥身上，令他猶如變成陪襯，故毅然推辭。失掉無綫劇，阿譚迅即獲內地邀演重本投資的同類型劇集《后宮》，演出的還有安以軒及楊怡等，早前搶閘推出，贏盡口碑，當中阿譚飾演的太監更被指相當破格，大獲好評。
價錢好吸引
突然間於內地人氣急升，阿譚即時身價大躍進，早前向胡杏兒大灑銀彈的「拉風娛樂」亦即時瞄準阿譚，出動二千萬包薪兩年的豐厚條件，向阿譚求證此事時，他說：「目前的確有好多公司接洽緊，詳情仲要慢慢傾，不過價錢真係好吸引。」對於有指他不想陪襯黎耀祥而推劇，他說：「唔係，其實我都想同祥仔合作，角色都好好，但《后宮》演奸角，發揮多啲。」
除了傾合作演出外，阿譚更大受內地的商業活動歡迎，早前和佘詩曼、熊黛林等同場亮相，阿譚說：「依家返大陸真係好似返咗無綫咁，成日都見到啲舊朋友，其實有咁大嘅巿場對於演員嚟講一定係好事。」
文：追蹤組