阿Sa戀情擺上枱尷尬滴汗

一年一度的「亞洲遊戲展」昨午舉行揭幕禮，身為大使的Twins精神奕奕亮相，大會安排極度混亂，將傳媒、歌迷及「龍友」擠在一齊「困獸鬥」，主辦單位更將阿Sa（蔡卓妍）與男友陳偉霆（William）的戀情擺上枱，先將送給阿Sa的遊戲機桌布放上William肖像，跟着又叫她快快生個「小舞王」，還抵死叫「禮物先生」跟阿嬌（鍾欣桐）返屋企，搞到Twins極為尷尬，滿面通紅的阿Sa忍不住開口說：「真係滴汗，好熱。」

帶仔返閨阿媽鬧

事後兩人接受訪問，對於被大會擺上枱，兩人坦言已習慣，阿Sa說：「係有少少尷尬。（事前知唔知擺William張相？）唔知，不過真係出晒汗。（有冇諗過同William情侶檔搵錢？）冇咁諗。」身旁的阿嬌插嘴說：「我仲尷尬啦，叫個男仔跟我返屋企。（真係帶？）唔會，阿媽會鬧，會問咩人嚟。」

陳偉霆	Twins被主辦單位搞到尷尬滴汗。	阿Sa（右）的遊戲機放上男友陳偉霆的桌布，令她無奈。

阿Sa是否送了聖誕禮物給William？她說：「未呀，好忙，都會抽到少少時間見。」阿嬌透露有少許感冒，即被取笑財多身子弱，阿Sa笑說：「仲可以再多啲。（你有過億物業？）冇呀，追唔到容祖兒，佢係首席。」阿嬌則表示要努力搵錢供樓。

文：音樂組