阿Sa胃病入院 阿嬌孤軍作戰
鍾欣桐（阿嬌）昨日出席頒獎禮拉票活動，阿嬌透露拍檔蔡卓妍（阿Sa）因胃痛入院缺席，更口快快說不知阿Sa是否為慳錢結婚而一個飯盒由朝食到晚。而剛從醫院趕到的張敬軒，自爆日前十隻指頭突變黑疑中毒。
鍾欣桐、張敬軒、關楚耀、官恩娜及周柏豪等昨日出席新城頒獎禮拉票活動，阿嬌指拍檔阿Sa因胃痛入院而缺席：「都叫咗佢唔好將個飯盒由朝食到晚。（慳錢為結婚？）唔知係咪，但錢應該唔係佢慳o架喎，佢係好有衣食！」
張敬軒疑中毒
阿嬌謂以前欠缺安全感，故經常購物來彌補自信，問到一季會花費多少添新衣？她說：「我對數字冇乜觀念，賺錢會畀晒媽咪管理，佢再畀零用錢我，信用卡都係媽咪畀我嘅附屬卡。」
張敬軒表示剛出院趕到，他說：「星期四晚手指突然黑晒，開頭驚心血管有事，入院檢查後右眼對唔到焦，醫生懷疑係雷諾氏現象，佢話微絲血管會收縮同風濕，但check勻都唔係，可能輕微中毒。」他又打趣說：「入醫院住兩日唔見幾皮嘢，出嚟成個人都唔舒服！」
被問到是否唔乖所以未能返無綫？軒仔說：「唔關事！乖唔乖係觀點角度，我聽公司話都乖。」對於李克勤亮相無綫，他說：「論資排輩，佢係第一個亮相都好啱數！」
女友做「股」手
而最近轉look的關楚耀，表示留鬚後工作順利，如果拍戲要求剃鬚或剃重要位置的毛髮都願意，但底線是露股，並對自己的屁股甚有信心：「幾優質o架，係調皮股！」關楚耀又笑言女友是好「股」手。
文：音樂組