陳敏之和馬浚偉亦屬郭羨妮好友，敏之坦言戥對方有了BB而高興：「我哋雖然唔係成日見，但成日都有聯絡，我就唔識佢老公，但聽佢講老公點樣對佢好，都好戥佢開心嫁到個好老公！（幾時輪到你？）未住，我事業仲係搏殺期！」
馬浚偉則身在橫店，當得聞羨妮將生龍BB而開心不已，他說：「做媽咪最緊要養好身體，我哋相隔兩地，但都希望去到飲佢補擺喜酒同滿月酒呢兩餐！（羨慕嗎？）有架！不過我都衷心祝賀佢個BB肥肥白白，似爸爸就型，似媽媽就靚！」
