軒仔爭廣州傑青唔靠身家

張敬軒與吳雨霏為亞視《2011感動香港年度人物頒獎禮》做嘉賓，軒仔提到環球歌手李克勤成功破冰亮相無綫，他說：「克勤好似大使咁kick off，我都期待上《勁歌》，但成年冇喺無綫派歌，應該冇得角逐年尾總選。（列席支持？）我諗無綫會知點安排至恰當。（有冇聯絡陳志雲？）我本身同陳生係朋友，但有段時間冇聯絡。」軒仔又透露報名角逐廣州十大傑青，他說：「個個候選人都係企業家，得我一個身家少過八位數，評選準則係對廣州有貢獻。」