伍允龍謝霆鋒 不打不相識
武打演員伍允龍（Philip）在圈中人緣甚佳，就連大忙人謝霆鋒也有抽空與他保持聯絡。身為霆鋒詠春師傅的Philip，大讚霆鋒對功夫有熱誠，就連沉悶的基本功也會醉心練習，是真正的有姿勢有實際。
伍允龍（Philip）與好友謝霆鋒的緣分，絕對是由詠春開始。Philip回憶起五、六年前初與霆鋒合作拍劇時，大家的話題總是離不開功夫，後來霆鋒得悉爸爸在美國開武館的Philip自小練武，兼且懂得的功夫多達十八種，便主動要求要向Philip學武，而Philip當時的答覆竟然是：「要功夫打得好，一定要係由基本功練起，基本功好苦好難練，練得好起碼年幾兩年。」
難逃被追訪
雖被好友「潑冷水」，但霆鋒依然未有放棄，Philip更笑言被霆鋒日練夜練的熱誠打動：「我哋拍劇時好friend，基本上唔會鎖喺酒店房，我就成日走入去霆鋒間房度攞嘢飲，次次都見到佢對住塊鏡係咁練啲基本功，總之佢無論喺片場、喺房、晨早定三更半夜都不停咁練，真係好有恒心。」
霆鋒早前備受婚變困擾，作為好友的Philip亦難逃被追訪；對此，Philip無奈謂：「其實我同佢由第一日到依家嘅話題都離不開兩樣嘢，就係打機同打功夫，其他嘢我好少過問，我淨係知道Lucas同霆鋒一樣咁鍾意功夫啫。」
文：影視組
場地：山頂餐廳酒吧