岑潔儀歎燒海鮮直豎拇指
曾與陶喆傳緋聞的岑潔儀（Zoey）閒時會四出尋找美食。最近天氣轉涼，Zoey又鍾情燒烤菜式，不怕肥的她決定去灣仔前Sun Boy'z成員麥子豪有份投資的地道港式燒烤店醫肚。Zoey對該店的明太子大花竹蝦最感興趣：「呢碟竹蝦味道好鮮甜，而且火候控制得啱啱好，真係好原汁原味，平時自己都好難整到咁高水準嘅海鮮。」
除了明太子大花竹蝦外，當日大廚特意為準備訂婚的Zoey額外準備了五道招牌菜，包括皇鳳雞燉翅、蒜香蟶子王、葱香鮑魚、汁燒牛柳及懷舊肉鬆豬油撈飯，Zoey試勻後直豎拇指大讚冇得頂。
Zoey自爆喜歡下廚煮幾味氹男友開心：「係因為我男朋友至去學煮餸，見佢做嘢咁辛苦，梗係要煮番啲好嘢食畀佢歎啦！」
