吳卓羲認拍拖 代張馨予求情
張馨予在吳卓羲（Ron）微博宣示主權惹起全城關注，昨日「受害」主角吳卓羲終蒲頭，雖然一句「拍過拖」惹來分手揣測，但從Ron強調已原諒女方，及勸喻粉絲們「別怪她」，足見Ron對張馨予仍十分維護。
張馨予在Ron微博張貼「床照」宣示主權，由於事件惹來網民熱烈討論及粉絲圍插，Ron前日雖因病缺席劇集宣傳活動似避風頭，但昨日都鼓起勇氣面對傳媒。
Ron昨晚八時許抵達電視城，心情與精神均不俗，更冷靜地率先向各方道歉及解釋事件：「首先要同擔心我嘅粉絲、家人、朋友講唔好意思，個微博當時我唔知，因為去咗梁靖琪度飲，之後去咗第二度飲到四點幾，返屋企見到咁嚇咗一跳。」Ron透露照片不是在其家中拍攝，因當時張馨予在內地。Ron又指已即時致電張及刪除微博。
「我原諒咗佢」
其實自年中Ron被拍下到機場接張馨予後，二人戀情可謂正式浮面，加上女方不時在微博高調晒戀情，故任憑Ron如何守口如瓶，情侶關係在圈中早是公開秘密。加上這次事件，Ron終承認張女友地位，但他卻故弄玄虛說：「我係同佢拍過拖。」問到是否已分手？Ron沒有正面回應謂：「畀啲空間我。」
雖然外間不少人指摘女方，但Ron強調已原諒她，並多番為她說好話：「我有打畀佢了解成件事，佢承認做錯咗，亦都道咗歉，我原諒佢。（冷戰？）畀啲空間我先。（佢點解要咁做？）我冇問佢，佢都承認做錯。（係咪特登？）我冇考究。（佢唔止一次喺微博度亂噏嘢？）佢入行日子尚短，好多嘢都無意識，唔知道做咗後果咁嚴重，佢知道後悔。」他又強調事件與出席Toby婚宴after party無關，又維護張並非醋罈，及沒有經常管住自己。笑問張知否其銀行密碼，Ron笑謂：「呢啲更加唔會講，撳晒啲錢咪大件事！」問到是否仍關心張，Ron說：「行出嚟唔可以淨係講自己，佢係有誠意。」他又呼籲粉絲不要生氣，並再幫口指「每個人都會做錯事」。Ron對張馨予的行程亦瞭如指掌，由於知道她下周會來港工作，Ron即要求傳媒不要逼得張太緊：「佢係一個新人。」維護之情，不言而喻。
蒲頭留言惹回響
Ron挺身護花後不足一小時，張即緊接其後在微博蒲頭，她留言強調自己只是無心之失：「只是一個不小心，不用那麼大驚小怪，雖然我知道外人肯定不信真的只是登錯帳號。望給空間，不要再咄咄逼人。」此番留言一出，即惹起網友極大回響，指她有司馬昭之心，和潘霜霜無異。
今次是張馨予「事發」後首度公開發言，之前她一直潛水，連微博亦不見其芳蹤。據知張馨予稍後除了忙於為新戲《龍門飛甲》及《不怕賊惦記》宣傳外，下星期會來港拍攝新戲及寫真。另張馨予的粉絲，對偶像繼續不離不棄支持。
文：影視組