唐貝詩改形象省招牌
寇鴻萍女兒唐貝詩（Lydia）今年在英國修畢工商管理畢業回港，決留港為母親新開的網站打拚。Lydia稱今次是她首份正式工作，當了上班族一個月的她，過着朝十晚七的生活，她稱沒有想像中辛苦，反而樂在其中。
Lydia負責的網站PurrrChase即將開幕，她坦言跟舊愛Eric Yu仍是好友，問到當日會否邀請對方到場？她說：「要睇佢係咪喺香港。」但就不欲多談感情事，因她想大家留意工作而非緋聞，並坦承之前形象較負面：「其實我以前唔係成日去夜蒲，但畀人影到都係去玩，可能我冇特別去控制自己嘅形象，亦唔會太介意。但依家唔同，因為係代表公司，所以我唔想講咁多私人事。（戒夜蒲？）盡量，因為要返工，蒲完要早起身好辛苦。」
至於寇鴻萍笑言囡囡是大打雜，沒有任何特權且只拿取最低工資，問到女兒表現，她大讚：「佢好乖，每日都好準時返工，同佢講公司唔准打私人電話，佢真係唔會打。佢好尊重我、乜都肯學。（有冇需要改善？）着衫囉，依然唔似OL，攞唔到個標準。」