容祖兒學泰拳打造完美中女
Joey昨日出席活動，她表示正為澳門演唱會而積極練泰拳修身，卻弄致腳痛：「依家做gym嘅效果都唔夠顯著，所以學泰拳，而且我個人咁Man，都好啱我玩，上咗兩堂，成個人除咗個頭唔痛之外，成身都痛晒，不過我真係好鍾意，因為可全身運動。」
Joey指之前到大陸拍英皇電影《DIVA》，吃盡美食，引致肥肉增加，問她重了多少時，她謂：「又唔係太多，只係冇運動鬆弛，我哋都暗地裏有跑步團、泰拳團同gym團，都係適合年過三十，又鍾意食嘅女人，做一個體態完美嘅中女係我夢想。」其實圈中不少女藝人如李蘊、吳若希、林熹瞳等，亦有學泰拳，既可keep fit，亦有助保護自己。
從不孤寒騷身材
由於樂壇頒獎禮都快將舉行，Joey希望可盡快操fit一點，問她頒獎禮時會否衣着暴露一些，她坦言暫時未搵，想再fit一點先。記者叫她不要浪費美好身段，她笑住回應：「我從來冇孤寒過，可以嘅畀晒你哋睇添！不過我未得嘛！依家又冇番（上圍），因為結實晒！」
文：影視組