城城隨時報喜：最緊要睇能力

郭富城昨日現身聖誕開幕活動，將再踏紅館舉行個唱的他透露當中舞蹈難度高，身邊排舞老師及舞蹈員相繼受傷，更要分批睇醫生，他說：「我自己仲頂得住，真正觸動我係佢哋冇因為咁減退熱誠，（買保險？）一定有，比上次個唱危險度更高。」城城又言早前於全世界第四高的大廈Sky 100拍戲，被360度景觀深深吸引，他說：「佢哋邀請我設計其中一個聖誕裝飾，完成咗我一個夢想，可以同時喺全港最高的大廈同紅館擁有自己嘅舞台，自己拍嘅時候真係唔捨得走，（帶阿媽同另一半嚟？）會帶阿媽，（女友呢？）身邊朋友自己識嚟啦。」

祝福「派喜」藝人

此外，娛圈相繼傳出喜訊，除楊千嬅及陳慧琳外，當中更包括兩大天王，問到城城何時計劃升級做老竇，他說：「呢個時候唔分心諗呢啲，知道大家都好關心，現階段我好珍惜喺舞台上演出，唔使擔心，等個天安排。」城城又透過傳媒向每位「派喜」藝人送上祝賀，至於會否考慮奉子成婚？城城說：「冇所謂，我與時並進，思想唔守舊，最緊要睇能力。」

文：音樂組