陳嘉桓唧笑容拒講原諒馬德鐘

藝人陳嘉桓在內地涉被陳浩民和馬德鐘「又攬又錫」後，昨日終首次回港工作，為鞋騷行天橋。台上她表現專業展現笑容，大會亦安排了四名保安護駕，母親兼經理人Ronnie一直陪伴在側。但受訪時陳嘉桓仍難掩憔悴之情，對於有傳師傅冼國林受到「恐嚇」，她表示睇新聞才知，相當擔心對方，她說：「有見過師傅，佢叫我唔使擔心、識得處理。事件交咗畀警方，唔方便回應。」

唔回應不快事

有傳陳浩民透過金錢解決事件，陳嘉桓則搖頭否認，並指「唔想諗不快事」，其母則指「無咁嘅事」。至於是否原諒馬德鐘？她說：「唔回應嘞，想快啲過去。（見到尷尬？）唔好問我啦。（陳浩民搵過你？）唔回應，我要面對嘅係餘下來嘅工作。（唔接內地工作？）工作無分地區，自己會加強警覺性。」

陳嘉桓和母親否認與杜宇航不和。

張筱蘭再次於微博力撐老公。（資料圖片）

事件發生後令家人身份被揭，甚至養父亦被追訪，陳嘉桓表示與母親關係一直希望低調。

鍾嘉欣獲粉絲送上Ｑ版獎座。

失落「視后」的鍾嘉欣（左）表示無獎沒有失望。

張筱蘭撐老公

至於同場輸了「視后」和「我最喜愛的電視女角色」給胡杏兒的鍾嘉欣，被問到有否對賽果失望？她帶弦外之音的說：「有時唔係攞到獎代表贏咗，我今次贏到民心、討論區同觀眾。（胡杏兒無民心？）唔係，只係我好滿意自己嘅角色，邊個得獎我控制唔到，佢係實至名歸。（嬲佢？）無，滿意賽果。」

另外，馬德鐘太太張筱蘭化名『江你』在微博發言，力撐老公表示「能連續榮登四期娛樂雜誌封面真唔容易！說明有很多人關注你，以及你一定有相當的商業價值，否則雜誌怎會大賣，加印又加印！哈哈」

文：影視組