陳慧琳：唔帶袋如冇戴Bra
Kelly十分貪靚，衣着要講品味，連手袋都有要求，她覺得女仔唔帶手袋出街，就好似冇戴Bra一樣，簡直零安全感。生了「蝦餃仔」後，Kelly每次出街一手抱B一手挽袋，自詡練到手瓜起（月展）變身Super Mama。
女仔天生鍾意手袋，我出街不能沒有手袋，否則感覺就像沒戴Bra一樣，好似「光禿禿」渾身不自然，容易被扒手有機可乘。
而且手袋是fashion不可缺少的一環，可能男士着褲通常都有幾個褲袋，但裙子卻沒有，手袋便成了女士的恩物。
一代傳一代
我的手袋內會放有錢、身份證、電話、紙巾、鎖匙、唇膏、化妝袋、碎銀袋、鏡盒，或衞生巾等一大堆物品，自從有了「蝦餃仔」後，手袋只求輕便，因為一手抱BB，一手拿Diaper bag（尿片袋），再加上手袋，簡直要手瓜起（月展）的Super Mama才做到。
現在潮流興用Clutch，既嬌小又靚又有型，只帶幾件日常用品，連銀包都可以不用。我提議女士們可買一些限量版手袋，或者品牌的經典款式，可以一代傳一代，我有時出席一些隆重場合，都會用媽咪的古董袋來襯衫。某程度上，女仔買手袋跟男仔買車一樣，都是身份的象徵呢！
通常男士都不明白女仔點解要用手袋，但他們又喜歡將自己的銀包放在女仔的手袋內，尤其是去旅行時，相機、護照、地圖、旅遊指南等……都要放入女仔的手袋，幸好很多男士都很有風度，肯幫女仔和老婆拿手袋，可能他們早知逃不過這命運，所以不想女仔帶大袋出街吧，哈哈！