Kelly佗B仔改名「小龍包」

Kelly昨日出席代言人簽約儀式，現場播放她與小朋友所拍的廣告及拍攝花絮。已懷孕近五個月的Kelly已見肚，惟仍明艷照人，她說懷孕至今大約重了九磅，ＢＢ亦時有踢她，又透露所懷的龍Ｂ是男嬰，問她有否為ＢＢ改花名？Kelly說：「『小龍包』啦，因為唔想佢叫燒賣，同埋佢龍年出世，叫『小龍包』算。」她又慨嘆改中文名甚艱難，至今仍未有定案。

蝦餃仔未知有細佬

拍廣告時Kelly與很多小朋友合作，已育有一子劉昇（蝦餃仔）的她有否被要求母子檔？她說：「冇喎，蝦餃仔冇佢哋咁醒，同埋佢太細個。佢都未知我有ＢＢ，我又冇講，同埋平時着屋企衫都唔覺。（幾時話佢知？）肚大啲等佢問先講，依家早得滯。」她坦言仍未開始胎教，不過平時唱歌給蝦餃仔聽時，ＢＢ亦可一齊聽。問及預產期，Kelly只透露是明年。

Kelly現在要抱「蝦餃仔」，所以手袋要輕便。

Kelly不但改穿平底鞋，每步都小心翼翼，更由「四大護衞」護航。

霸定床位再爭學校

Kelly直言工作上不會正式停工，而且檔期很滿，但只會做簡單工作，她說：「做一、兩個鐘就返屋企，做嘢都安到胎，同埋我有做瑜伽，郁吓好啲。」懷孕後她飲多了牛奶，故上圍在比例上亦比之前豐滿。那她是否依舊出席填詞人黃偉文明年二月的個唱？Kelly說：「以依家呢個情況可以應付到，到時個肚大啲先再決定。」

提到樂壇喜事重重，楊千嬅及樂基兒等都被傳懷孕，Kelly笑說：「如果係就要爭床位，過多一、兩年就要爭學校，依家要霸定床位！」

文：音樂組