杏兒宗澤漏夜見家長
出爐視后胡杏兒前晚在灣仔通宵慶功，男友黃宗澤（Bosco）當然以行動支持，期間雙方家長均有列席，令慶功宴頓變見家長大會。愛得愈見公開的杏兒，昨日出席活動時更大方讚Bosco演技好，稱帝指日可待。
鄭嘉穎及胡杏兒前晚熱爆封帝后，完騷後二人分別在電視城與粉絲祝捷，其後到灣仔出席《怒火街頭》慶功宴。與杏兒互相「頂住」的男友Bosco當然列席，加上雙方家長均有到場，名正言順「見家長」！
玩到四點啤啤夫
Bosco於凌晨3時許先行離開，high爆的杏兒及嘉穎狂歡至4時許落樓給傳媒拍照，她更着記者先行離開欲繼續fever，但識做的嘉穎見記者眾多便着杏兒埋單走人。
飲到「啤啤夫」的杏兒由助手攙扶離開，並說：「真係玩得好開心！」原本坐保母車離開的她，因賈曉晨飲到大醉而讓出車輛，改坐友人駕駛的寶馬返歸。
雖然玩通頂，但杏兒昨晨已返回電視城出席《萬凰之王》祝捷會，與胡定欣及陳錦鴻等舉杯慶祝大結局最高收視達43點。問到Bosco有否求婚？杏兒甜笑說：「點會呀！」再問到是否待Bosco膺視帝才肯嫁？她即賣花讚花香：「冇諗喎！佢做戲咁叻，應該好快攞！」又澄清前晚只是「廁所」宣言，並非愛的宣言：「我本來想話同佢一齊分享喜悅，點知口快快講咗難頂先。」愛郎情切的她拒爆男友「難頂」大鑊，不惜「拿屎上身」：「我都難頂，份人太認真！」
馬不停蹄的杏兒，下午再到荒山野嶺繼續拍攝《怒火街頭II》，台前幕後甫見杏兒已上前恭喜，令她喜上眉梢。
望事業愛情得意
此外，杏兒昨日接受查小欣電台節目訪問時，再冧爆晒「杏」福，揚言望事業愛情兩得意。問到前晚為何不穿上Bosco所送的生日禮物水晶高踭鞋？她大發嬌嗔：「條裙咁長，唔好嘥！」並感謝06年食白果後獲男友默默扶持。
對於同獲「非凡風采男女藝員」，她再讚男友有品味：「佢一向都非凡，好應該攞，睇佢啲造型就知！」文：影視組