林峯聞天華捧蛋：好驚訝
昨日林峯與樂易玲出席活動，林峯表示已用短訊恭喜鄭嘉穎及胡杏兒，不過對謝天華捧蛋就感到Surprise。問到他視帝五強不入，林峯說：「係呀！（幾時收復失地？）咁我咪可以做自己嘢囉，我要準備出專輯，來年希望每一個平台都可以平衡發展。」他坦言寄望年底的樂壇頒獎禮，能摘下最受歡迎男歌手獎項。
至於樂易玲表示在頒獎禮後擁抱天華，並安慰他不要氣餒：「佢好好，佢話冇唔開心，（有冇喊？）Laughing Sir喎！一定可以承受得起。」此外，樂易玲否認楊思琦向她請假，亦不知道對方結婚一事。