嘉穎醉High天華速閃
鄭嘉穎榮登三料視帝，前晚風騷的在電視城外「視帝」出巡，「吹喇叭」與粉絲分享勝利的喜悅，之後慶功玩至凌晨4點半。相反，賽前頂頭大熱的謝天華，落敗後即黯然極速離開電視城，昨日出席活動時明顯頹爆，實在難掩失望之色。
前晚在《萬千星輝頒獎典禮2011》三料封視帝的鄭嘉穎，頒獎禮後與半百粉絲在電視城門外慶祝，粉絲自備蛋糕及自製第四個「獎項」給偶像，十分風騷的嘉穎連開兩支香檳慶祝。
Wing住開工
其後，嘉穎返回電視城為官方刊物拍照，約凌晨2時到達灣仔，會合由胡杏兒安排的私人派對慶功，而高層樂易玲、陳敏之、胡定欣、呂慧儀、馬賽、黃智雯、李思捷等陸續到場。嘉穎則玩到凌晨4時半才離開，帶有酒意的他扶着黃智賢搭的士返回寓所。
昨午，嘉穎則繼續為劇集《怒火街頭II》開工，面露疲態的他宿醉未醒，他說：「依家仲有啲Wing Wing哋！」
吐氣揚眉
嘉穎接受查小欣訪問講到得獎心情，他說：「沉澱番，尋晚好Surprise，其實自己覺得攞咗『電視男角色』獎已經差唔多，『視帝』係意外驚喜。宣布得獎嗰刻心跳得好快，攞獎時腦海更加一片空白，所以致謝時都講得有啲混亂，謝天華亦好大機會，佢表演好好，黎耀祥亦有可能三連霸，所以心情真係忐忑。」他坦言有諗過會輸，當晚穿得「紅當當」，他笑謂：「輸陣都唔好輸咗個勢。」
06年嘉穎憑《天幕下的戀人》封「視帝」曾引起爭議，今年終於吐氣揚眉，他說：「06年攞完獎都大受打擊，嗰陣講過如果再有機會上台攞獎，一定要得到大部分人嘅認同，5年後終於做到！」他又表示與TVB還有好多年合約，否認以簽約換獎。
「Laughing」謝天華大熱倒灶，前晚在頒獎禮後沒有做訪問，火速閃人歸家，落車時仍面帶笑容，手上拿着一袋二袋的他解釋翌日（昨日）開早工，故沒有受訪就先離開，被問到會否失望？他說：「冇，我好尊重體育精神！」回家後，天華獲太太下廚煮消夜醫肚。
「盡快回復心情」
經過一晚休息，天華昨日出席天梭錶的旺角新店開幕活動，強顏歡笑的他表現淡定，接受訪問時起初表示沒有失望，還說：「今年攞唔到，明年，嚟緊仲有咁多年，要學Laughing咁，有打不死精神。」
當再追問心情是否失望？他坦言：「每人都會有呢個時刻，但要盡快回復心情，不能沮喪，面對每件事，將佢做到最好，我同法拉喺馬來西亞都攞咗個情侶獎，都係獎，如果TVB有呢個獎，我相信都係我哋攞。比賽一定有出眾嘅人，最後只有冠軍，咁第二、第三唔通又唔開心？」
「算有1／40個獎」
至於被網民稱他為「白果王」，天華大方表示不介意，他說：「咁實有啲係其他fans，我套劇攞咗最佳劇集，我都算1／40得獎。」而天華接受電台訪問時，表示得悉有fans戥他不值，自己反過來安慰他們，至於事後有否向樂易玲了解，他反問：「需要了解啲乜？其實樂小姐出咗好多力，我心知，唔需要乜嘢都要檢討。」
此外，前晚的頒獎禮收到9宗投訴，指天華應該奪視帝，而杏兒不應獲頒最喜愛女角色，另有1宗投訴，指司儀王浩信口齒不清。
攝：追蹤組
文：影視組