汪圓圓約埋男友保鏢溜冰
兩位靚女模特兒汪圓圓與Marina V.，昨日穿上紅色tube dress化身聖誕女郎，出席「又一城歡天雪地」活動，但圓圓襯上披肩，性感盡失，而Marina在合照期間更六次烏低身大騷三吋長深溝，大搶「峰」頭，圓圓坦言不介意，更大讚對方靚，並表示：「服飾係大會安排，反正我都凍，頭先企喺冰上真係凍到成身震。」
問圓圓曾否與男友蔡加讚一齊溜冰？她坦言沒有，更笑說：「唔知佢識唔識，自己喺加拿大時成日都溜冰，但好論盡，成日都整親。（男友保護你囉？）我唔知佢識唔識溜冰，可能我保護番佢。」圓圓更鬼馬地笑說男友保鏢都要一齊溜冰，皆因拍拖期間，保鏢都會同行，已習慣，當問到錫錫可會尷尬？她尷尬地說：「都有private時候，都唔係成日咁（有保鏢）！」