許穎明斟暗鬥膊擊師妹
人氣o靚模許穎（Phoebe），日前與打扮性感的小師妹Milla及經理人等到中環開餐，期間兩女不停密斟，但Phoebe眼見低胸現身的師妹比自己性感，即脫外套玩跌膊搶攻。
擁有34D逼爆身材的Phoebe，近日為無綫賀歲片《喜上加囍》到牛池灣拍外景時，突然遇上黑幫圍毆兼襲警，令她嚇至花容失色，至今憶起事件經過仍猶有餘悸。日前晚上7時許，記者在中環一間咖啡店，發現Phoebe與經理人及一名穿上Deep V短裙的小師妹Milla等人開餐，只見各人神色凝重，枱上更放有一些文件，估計是洽談公事。
合照鬥chok
眾人傾談了一會，Phoebe與Milla開始熟落，不時密密斟，甚至拿出手機頭貼頭玩自拍。不過，原本打扮密實包到冚的Phoebe，發現自己不及師妹性感，即時脫去外套，「海潮」上身露出白滑香肩，並與師妹大鬥深長事業線，不讓師妹專美。鬥完事業線，兩人不約而同再擺出多個chok樣表情拍照，認真合拍。期間Milla見到師姐臉上弄髒，即急急為對方整理，極為細心。
雙飛出碟
事後記者致電其經理人，問到Phoebe是否將與師妹有新搞作：「係呀！許穎身邊個師妹叫Milla（程芷渝），係新加盟公司。佢哋將會組成女子組合出碟，呢期開始練緊舞同唱歌，下月會開始錄音排舞。」問到為何兩女瘋狂拍照，經理人說：「佢哋影咁多唔同類型嘅相，係交畀啲設計師、形象、製作朋友睇下佢哋可以行咩路線咁囉！」
文、攝：追蹤組