祖藍嘴刁激奀亞男

李亞男及劉俐昨日為飲食節目錄影,向來廚藝了得的李亞男卻指男友王祖藍嘴刁,她表示:「唔啱祖藍心水嘅嘢佢就唔會食!」同時又透露自己的「慘痛經歷」,她謂:「有次我買佢鍾意食嘅魚生畀佢食,點知唔啱佢心意嫌唔夠新鮮,佢話唔開心到好似畀人打咗十拳咁,到最後我仲要同佢道歉,下次唔買畀佢食啦!」而劉俐就表示自己的撚手菜包括炒肉片及田雞等,但就未試過下廚給男友品嘗。