舊愛新歡高潮迭起

楊思琦突然宣布與李泳豪九年情玩完，有傳思琦與吳帥劈腿及懷孕而成為分手主因，消息爆出後，過程高潮迭起。

楊思琦5月才與男友李泳豪慶祝生日，6月28日突然單方面宣布與李泳豪分手，有傳原因是她「有喜」並已向公司請九個月大假，泳豪哭訴：「我仲未接受到！」其父李家鼎（鼎爺）激動爆粗：「佢黐線架？仲plan緊結婚。」

楊思琦接受無綫訪問哭訴分手感受，提及新歡吳帥時即迴避地說：「好想搵個照顧到自己嘅合適對象。」對此鼎爺再鬧：「佢最叻就係標眼淚，最醒就一哭二鬧三上吊。」更爆粗說：「講×埋啲廢話！」李泳漢更爆思琦曾叫其母親施明「食屎」。

最初思琦拒認劈腿，但突然認與前港隊跳水運動員吳帥5月撻着，她避談婚期：「唔講住，如果係會話畀大家知。」否認懷孕傳聞但揚言：「希望快啲啦！」8月突然身材圓潤升cup，又剪掉十年長髮和積極學廚，似為做賢妻良母準備。

傳思琦與吳帥分手並取消對方微博關注，吳帥留言：「一個很悲傷的日子，希望不要因此而變成永遠的過去。」雙方透過友人否認情變，而思琦自9月完成節目《寵愛有家》後便「失蹤」，專心在家養胎。