周汶錡聖誕開P唔預男友

名模周汶錡（Kathy）昨日出席在信德中心舉行的「繽紛聖誕萬花筒開幕禮」，表示聖誕節會留在香港度過，她說：「尋日先由台北返嚟，冇Plan聖誕同男友點過，但想同一班朋友開個Party玩吓食吓飯，（買咩禮物送畀朋友？）少買咗，主要敍吓舊，希望到時每人帶一樣拿手菜。」她更透露屆時會親手炮製泰國美食：「之前去泰國時上咗一啲烹飪班可以大派用場，我鍾意泰國美食。」她還笑言自己廚藝尚算OK。Kathy又表示新年假期前都不會出Trip旅行或工作，因為想趁這段時間好好休息，然後再作打算。