孫耀威認鹹濕避索女
孫耀威（Eric）、張敬軒及泳兒前晚出席活動，與陳浩民曾為多年同門師兄弟的Eric撐對方為人有義氣，他說：「佢係貪玩咗啲，作為公眾人物都有責任，打籮pat都要承受，係時候長大，嗰間舖頭好開揚，正常唔會有咁嘅舉動，真係抓晒頭。」他又笑言每個男仔亦都鹹濕，自己則選擇掉頭走避索女，以免把持不住。另外，將與馬德鐘合作的Eric就言與對方不熟悉，對其行為不作評論。
至於軒仔與緋聞好友許廷鏗前後腳現身未有碰面，他說：「大會安排冇刻意避，個人唔介意大方合照，（公司介意？）我公司應該幾鍾意，我近年少新聞，都係我衰，唔應該放相（合照）上網。」