傅嘉莉處女當旺贏足11倍

傅嘉莉（Kelly）近日忙於在澳門拍廣告，她自言雖然香港距離澳門近，但不常到澳門旅行，她笑說：「第一次跟朋友入賭場，個保安竟然check我身份證，開心到我即刻衝去畀佢睇！」有傳言首次賭錢的人通常好運贏大錢，Kelly亦坦言曾經親身經歷，一落場即由四位數字賭本贏開巷，由幾千蚊賭本贏到5位數字，足足有11倍之多，她強調：「我都係跟朋友落注，人哋落幾多我就落幾多，點知玩玩吓就贏咗咁多！」不過她就只賭過一次，今次工作亦冇賭錢，她深信贏錢只是運氣，純粹好彩。

做業主忙搬屋

Kelly入行近六年，第一次着比堅尼拍廣告示人，是她入行以來最性感的一次，她說：「今次不只要着泳衣拍廣告，而且喺咁凍嘅天氣落水，簡直係一大挑戰。」今次與來自不同國家的工作人員合作，用盡兩文三語溝通，訓練語言能力。剛榮升業主的Kelly最近忙於搬屋，事事親力親為，她說：「搬屋真係好煩！雖然工作好忙，周圍飛，但我好enjoy！」

Kelly坦言只要健康的性感都可以接受。

傅嘉莉榮升業主，呻搬屋好煩。

文：專案組

攝：黃叔榮

化妝：Kylie Chan

髮型：Eas Fu @ CHIN G.

服裝、場地：Zadig & Voltaire @ I.T（百德新街）