陳展鵬升呢爭視帝執靚陪跑

陳展鵬日前到中環為台慶頒獎禮試戰衣，今年展鵬成績有目共睹，更被公司看重，原本外間一致看好他勢奪今年「飛躍進步男藝員」，殊不知他此獎並沒份提名，反而有份角逐「最佳男主角」、「我最喜愛的電視男角色」，無綫此舉明顯讓他未選先「升呢」，與一線小生看齊。

最緊要有機會

展鵬笑言首次提名男主角，故不論有獎與否，都希望揀件「型爆」戰衣上陣。展鵬坦言《真相》是他首套最多戲的劇集，受到公司重視，他坦言很高興，更謂：「我嘅功課已做晒，依家只係等成績，今年自己都有好多機會，好似《法證先鋒Ⅲ》、《ATF反恐》中，都有好大發揮，做演員最緊要有機會，冇機會又點會有成績。」

陳展鵬坦言《真相》是他最多戲份的劇集。	陳展鵬今年有不少機會，如在《法證先鋒Ⅲ》中有好大發揮。	陳展鵬日前去揀戰衣，為頒獎禮作準備。

對自己有信心

此外，說到「視帝」獎項，起初他笑言自己是「陪跑」，之後他又笑言：「我今年睇好邊個，梗係陳展鵬啦！既然入圍，梗係要對自己有信心，講笑啫！比起其他有份提名嘅視帝，自己仲好多瑕疵，要繼續學習。」

文：影視組

場地、服裝：HARVEY NICHOLS

攝：李廣成