BOYZ開心粉絲喜愛未減

相隔六年再推出新曲加精選的BOYZ，主打歌《Ready To Go》和《Sexy Body》反應理想，更成功打入叱咤頒獎禮「我最喜愛的組合」最後五強，與Mr.、RubberBand、及C AllStar等一較高下。

鍾意睇得獎者表情

張致恒（Steven）原來已有三、四年沒有出席過樂壇頒獎禮，他說：「感覺幾得意，完全係意料之外，不過我呢幾年都冇出席，我好鍾意去頒獎禮，好鍾意睇得獎者表情。其實今次係無心插柳，本來冇諗住出歌，到Plug咗《Ready To Go》，再跟住出埋碟拍MV，外界反應唔錯，到依家入埋叱咤五強，真係好開心，好多謝神送呢份禮物畀我，有冇獎我都更加努力，做好自己嘅本分。」

Steven已有幾年未亮相頒獎禮。

Kenny表示不會因為成績理想而鬆懈，反而會積極備戰。

積極備戰望有交代

問到攞獎勝算？關智斌（Kenny）說：「平常心啦，我哋覺得入咗五強已經當攞獎，係好大鼓勵，當然攞埋呢個獎就更好，對公司同自己及粉絲亦有交代，若然攞唔到，下年再努力過。」問到有否私下互相獎勵？Kenny說：「反而會更加勤力備戰，呢排我哋多咗嘢做，唔可以因為入咗五強而鬆懈，因為樂壇係永久性競賽。」

採訪：戶冊平　攝影：沈健程　場地：1+藝術空間