白健恩搭升降機撞「鬼婆」

港男出身的白健恩（小白）和樂壇新人陳文婷，日前接受新城《恐怖熱線》訪問，與主持胡凱澄大談靈異經歷。小白表示曾遇搭升降機驚魂：「我住嗰度係舊式大廈，有次凌晨返屋企，喺大堂見到有個阿婆揸住紅白藍袋等升降機，嗰時冇其他人。當我見到阿婆入升降機，升降機門差唔多閂埋嗰陣，就急急腳衝埋去撳住部升降機，當時升降機門雖然開番，不過裏面就冇人，唔見咗個阿婆。（你點做？）我死頂照搭，仲企喺升降機內角落位。部升降機差唔多到我住嗰層時，我好清楚聽到摷袋嘅聲音，嚇到我出升降機後即衝返入屋。」他表示除非趕時間，否則以後不會再搭這部升降機。