朱慧敏愛上不該愛的「陳豪」

無綫藝員朱慧敏繼在《點解阿Sir係阿Sir》中破格飾演黑幫阿嫂後，近日於劇集《天與地》演一個敢愛敢恨的證券經紀。她於劇中既是陳豪得力助手，亦愛對方到死心塌地。她說：「我喺劇入面選擇一個唔應該愛嘅男人，呢個女仔太相信陳豪，太愛佢所以繼續幫佢上位，明知佢同邵美琪結婚係為權力、為錢，自己就默默承受一切！」她坦言拍劇時心情十分沉重，因為過於投入角色，認為愛一個人不應該會這樣痛苦。

拍床戲緊張胃痛

朱慧敏希望透過角色反映愛情觀，讓觀眾反思：「愛情係應該令人開心，我唔認同佢，愛得咁難受、咁委屈，太麻木喇！愛情應該係互相扶持，佢因為陳豪錯失咗好多愛佢的男人，愛得咁痛苦不如單身！」她坦言與陳豪拍攝床上戲緊張到胃痛，全靠陳豪叫她放鬆心情，最終順利完成拍攝。

朱慧敏認為愛情是雙向的，只得一方付出是很痛苦。	早前朱慧敏（右）於《點解阿Sir係阿Sir》的演技備受好評。	陳豪於《天》劇中不擇手段，經常利用朱慧敏。

本身只懂股票交易基本概念的朱慧敏，拍攝前特別找來從事金融行業的朋友請教，下了不少工夫才明白箇中道理。

文：專案組　攝：倪立煌　服裝：TED BAKER