張可頤搏命爭視后

經歷一場大病後，張可頤近年的工作重上軌道，今年更憑《法證先鋒III》，角逐台慶頒獎禮的「最佳女主角」及「我最喜愛的電視女角色」，聲勢甚佳！曾於03年憑《九五至尊》膺視后的可頤，雖然希望再度封后，但挑戰自己才是最大得着，她說：「差唔多十年冇吊過威吔，為呢套劇獻出好多第一次，重拾做新人嘅感覺。」

唔考慮北上發展

如此搏命，當然希望有收穫，可頤說：「當然有諗過攞獎，但今年競爭好激烈。（目標係再攞視后？）梗係想啦！呢個係返工嘅動力！（最大勁敵？）個個都好，最好個個都有獎攞啦！」至於視帝之選，她顯得有點三心兩意：「梗係撐祥仔啦！（佢攞咗兩次喇！）咁揀陳豪啦，我最近同佢開《天梯》，哈哈！」

張可頤撐拍檔祥仔再封視帝。

曾於03年封后的張可頤希望今年能夠再次攞獎。

曾停工一段日子的可頤，近年密密接拍劇集及電影，務求令人氣再創高峰，問到會否北上掘金？她則大唱反調：「始終父母年紀大，唔想離開太耐。學祥仔話齋，內地嘅工作條件未必好過香港，自己都未必適應呢個模式，所以暫時唔考慮住喇！」

文：阿彭　攝：劉智源

場地：日航酒店Sky Lounge

服裝：Aquascutum