倪晨曦見半裸古仔喪笑

寰宇新人倪晨曦（Elva）日前參演賀歲片《八星抱喜》，跟李曼筠、蔣怡及卓韻芝齊齊扮香港先生評判，而古仔就飾演香港先生，他要赤裸上身擺出不同姿勢，Elva大讚古仔身形fit爆：「其中有場我哋要好大力咁將啲心心貼紙黐落古仔個身度，我唔知原來未正式拍，喺試嘅時候就已經好用力、好肉緊！」

古仔腳傷仍未痊愈，但仍搏盡碌落地演出，表現專業。其後要拍眾女喪笑鏡頭，Elva直言毫無難度，因為現場氣氛高漲，她們未開始拍就已經笑到癲！

古天樂	Elva要勤力學好廣東話。	倪晨曦主攻模特兒工作，希望來年可進軍影壇。

廣東話未標準

現時以模特兒工作為主的Elva，表示來年會主力攻電影及主持工作，由於她的廣東話仍未算標準，就算當主持也不可以報新聞，所以只會揀比較生活化的節目：「我對講廣東話有信心，大家接受能力高咗，不過就算做主持都會揀啲講時裝、美容或者旅遊嘅節目，因為就算夾雜國語同英文都冇問題。」電影方面，早前拍完《夢遊》後，最近Elva跟李治廷（Aarif）在《寒戰》中亦有對手戲，Aarif要連續講十五分鐘有關打官司的對白，睇到她目瞪口呆。

文：專案組

攝影：沈健程

服裝：iiJin