MJ@Mr. 最冧素顏女

MJ最為人所認識的，除了是個rock味濃濃的結他手，就是他的眼線加黑指甲造型，再配合他自我的甫士，他的形象確實在圈中比較特別。問他為何如此「出眾」？他笑言：「因為初初入行，成日覺得影相嗰陣雙目好無神，所以想試吓化妝，最後衝破咗心理關口，決定畫眼線。（你好鍾意呢個look？）其實我覺得呢行好啱我，因為可以自由打扮，又可以畀人影，又會成為人哋研究對象。」

MJ認為眼線look已經開始受大眾接受：「好似《喜愛夜蒲》入面，陳柏宇畫眼線好靚仔；森美開騷亦都有畫眼線。」不過問他如果外表與音樂二選一，他表示一定先選音樂。

MJ本月將出書大談世界觀及「舊史」，但他稱不會開名談及跟舊愛卓韻芝的戀事。	（左）卓韻芝	陳柏宇（左圖）和森美獲MJ讚畫眼線後很好看。

才華女生最吸引

問MJ喜歡的對象又是否同樣要有獨特造型？他否認說：「我鍾意唔化妝嘅女仔！（現任女友都係素顏？）女友嘅嘢唔想講咁多，因為想保護佢，總之佢係個好貪靚、好鍾意藝術嘅人，其實最重要係同我傾到偈。」他表示有才華的女生最能吸引他，如果有才藝就更好。

本月出書談舊事

另外，MJ繼去年出書之後，本月又會再度化身才子，推出新書《天馬行空》，大講樂壇、夾Band與他的世界觀，當中亦會有大家也很想知道的感情事，MJ說：「會有以前經歷，但唔會開名講舊愛（DJ卓韻芝）。」

文：王羽飛　攝：秦健輝