Rainbow廿歲未夠恨做人妻

o靚模組合冬甩成員胡心諾及陳芷敏日前穿上婚紗及晚裝，為婚紗公司拍廣告，獲五位數酬勞。身穿全白色斜膊婚紗的Rainbow露出半邊香肩，明艷照人。雖然Rainbow廿歲未夠，但對結婚充滿憧憬。

Rainbow說：「今次係我第一次着婚紗拍廣告，真係好鍾意我依家呢套婚紗。其實我一早計劃好要三十歲前結婚生仔，而我起碼要同個男仔拍咗三年拖先會考慮結婚。」Elke則不反對閃婚，認為只要遇到真命天子就絕不能錯過。

Elke坦言若遇真命天子會主動出擊。

兩女青春可人，被攝影師大讚是可造之材。

甫士有待改善

廣告特別請來著名攝影師葉青霖徒弟Martin操刀，他大讚Rainbow跟Elke乃可造之材，適合走可愛路線，但仍有改善空間。他說：「佢哋嘅表情同甫士可以再練習多啲，動作同感情可以演繹得再好啲。不過佢哋依家仲細，仲有大把機會磨練。」

兩女表示有留意陳嘉桓的不快事件，經常到內地工作的Rainbow表示每次都會有工作人員跟實，不過之前落酒吧打碟時試過被人抽水。她說：「佢想搭我膊頭，我就即刻縮，佢想攬我條腰我就即刻話唔好，若再過分我即時會搵經理人。」

文：專案組

攝：秦健輝

服裝：v.stile