好姊妹唔爭獎 高海寧棄權馬賽等飛
台慶頒獎禮將至，視帝視后固然是重頭戲，但其他獎項一樣爭崩頭，擁有「飛躍」這張入場券，正是飛向「視后」的絕佳籌碼。同是港姐出身的馬賽與高海寧，今年雙雙角逐「飛躍進步女藝員」，前者信心十足，當仁不讓；後者自動棄權，甘願陪跑。
無綫小花眾多，要成為萬綠叢中的一點紅，可謂難於登天！今年馬賽與高海寧齊齊角逐「飛躍進步女藝員」，力爭終極大獎——視后的入場券，但姊妹情深的二人不但沒有生嫌隙，拍攝期間更齊齊扮chok兼扮咀，認真friend過打band！
務求睇齊阿佘
信心爆棚的馬賽直言今年已超額完成：「今年好多劇出街，觀眾都睇到我嘅進步，成績表冇A都有A-啦！（信心？）有o架！但保持平常心，唔想希望愈大失望愈大。」下半年劇接劇的她，最感激一眾前輩的鼓勵：「Bobby哥（歐陽震華）同麥包都話睇好我，但前者話攞獎係命運，其實得到行內人認同已經好開心。」謙稱演技略欠火候的她，希望在「劇海」中磨練「戲量」，務求睇齊視后佘詩曼。
有別於馬賽的雄心壯志，高海寧甘於陪跑，只望在頒獎禮當晚爭妍鬥麗：「我一啲信心都冇，但其他四位入圍者就叮噹馬頭，嗰晚咪當扮靚，順便八吓邊個攞獎。」
想變「劇中人」
至於心水得獎者，高海寧投好姊妹馬賽一票：「我同馬賽都係港姐出身，睇住佢一路劇接劇，表現亦每套都有進步；自己就留喺綜藝節目，所以我都有上網投佢一票架！」問到會否希望如馬賽般變「劇中人」？她立即恨到出面：「好想拍多啲劇，希望好似『海綿』咁愈吸愈多！」
文：阿彭
攝：李柏儒
場地：美麗華酒店
服裝：Ted Baker