高鈞賢早前跟一班男、女好友到日本旅行，適逢當時是萬聖節，令不少地方都變得熱鬧，他坦言由於小時候長期居住外國，自四歲後，都未去過日本旅行，不過對於這個地方，他坦言很喜歡：「啲日本人好玩得，有次我去間餐廳，咁啱有把假刀，跟住我就攞嚟扮鬼扮馬、插住個頭周圍走，有班日本後生男女即刻話好Kawaii，之後大家仲一齊玩。」
對於有指高鈞賢與日本女仔拍拖，他坦言只是拍過一段短時間，但由於二人溝通問題而分開了。到日本有否瘋狂購物？他謂：「其實我覺得OK，都唔係太貴，喺香港食日本嘢仲貴，我都買咗好多衫返嚟！」