HotCha「脫」變
組合HotCha跟師弟莊冬昕（Deal）、韋雄前晚開騷，罕有性感的HotCha跳舞時為配合舞步，扯高上衣露出纖腰，完騷後成員Crystal更感動到喊。Crystal被Deal當面拒絕組成情侶檔，慘食檸檬的她笑言已習慣。
HotCha前晚聯同莊冬昕及韋雄舉行音樂會，氣氛熱鬧，而林峯及鍾舒漫亦有捧場。Deal及韋雄打頭陣，唱出多首歌曲，而HotCha的服飾亦少有的性感，表演長達六分鐘的medley時，配合勁歌熱舞，掀起全場高潮，她們更扯高上衣作脫衣狀，露出小蠻腰。
當音樂會完結後，眾人接受訪問，見HotCha成員Crystal眼濕濕，問她是否因感動落淚？她說：「好多朋友嚟睇，好多人錫，感觸所以喊，好多朋友都擔心我哋得番兩個人嘅發展，畀大家睇我哋會好努力！」
Crystal習慣食檸檬
Deal與Crystal於台上合唱一曲，並大讚Crystal好索。問到Deal會否與Crystal組成情侶檔？他立即拒絕：「我諗唔會啩！我唔鍾意情侶檔。」在旁的Crystal被拒絕後笑說：「我習慣！咁多年都好dry，我哋好少表白。」
Deal被問到會否與同公司的前緋聞女友鄭融合唱？他說：「我同佢以前有合唱過《無謂情歌》，有機會都冇所謂。（尷尬？）唔尷尬，做嘢之嘛！」
文：音樂組