曹永廉與太太姜依蘭結婚四周年紀念，身兼幾組戲的阿廉百忙中抽空與太太遊旺角慶祝，並上載「撐枱腳」照於微博內晒幸福（圖）。阿廉接受電話訪問表示：「之前都向佢備定案，驚慶祝唔到，點知都OK，佢仲送咗件衫畀我，但我就未諗回禮，一係送張超級市場禮券畀佢囉，我份人比較實際，好似之前送部平板電腦畀佢，都係諗住佢可以同個仔兩份用！」
談到夫妻相處之道，阿廉謙稱未摸到竅門，且自爆有兩副面孔：「出嚟做嘢要滑頭啲，喺屋企冇咁風趣，有時亦會鬧交，通常我會送禮物氹番佢，不過所送嘅嘢多數都被棄置一旁，睇嚟我冇乜眼光！」