樂瞳留港等捧獎

無綫小花樂瞳今年有份提名台慶頒獎禮的「飛躍進步女藝員」，年中她憑《點解阿Sir係阿Sir》的「中女」一角彈出，連續十多個星期成為TVB網的Blog王，風頭一時無兩，至年底再憑《法證先鋒Ⅲ》的「天眼少女」獲激讚，難怪雖與馬賽、黃智雯、龔嘉欣及高海寧年資相當，仍被視為獎項大熱！

據知，深得高層樂易玲愛錫的樂瞳拿獎機會甚高，原本她被安排往日本拍攝旅遊特輯，需逗留至月中才返港，撞正本月5日舉行的頒獎禮，為令樂瞳可出席，高層突然一聲令下改Plan，改由「蜜瓜」關婉珊赴日，令人聯想無綫有意讓樂瞳親自領獎！

放大圖片	樂瞳揀衫時流露出勝利笑容，似乎她亦知道贏面甚大。

晒膊露背

被捧為飛躍大熱的樂瞳當然心情大靚，日前往名店Miss Sixty挑選戰衣，見她在店中穿梭時眉開眼笑，先後換上三套晚裝，童顏的她似乎有意轉型，對較有女人味的晚裝情有獨鍾，而且不介意晒膊及露背，又主動要求拿走肩帶將晚裝變成Tube Dress，當她換上一套連身裙時更不經意谷出「小籠包」，擺明想以性感Look攞獎。

活潑的樂瞳對配飾原來也一絲不苟。

樂瞳（左）憑《點解阿Sir係阿Sir》的「中女」一角贏盡人氣。

對於獎項，樂瞳表示信心十足，自信今年飛躍幅度極大，並承認無綫突然不用她往日本工作：「因為12月頭要開新劇《護花危情》，不過我當然想去頒獎禮啦！攞唔攞到都開心，最緊要扮靚靚出席。」問到若得獎會多謝誰人？她毫不猶豫要感謝樂易玲、監製劉家豪及梅小青，認真識做。

文：立影　攝：劉智源