呂慧儀任擺布婚姻一Take過

呂慧儀昨日公開一張與未來老公的婚紗照，二人站在浪濤中，非常甜蜜，獲親友喪Like，她說：「啲相係早排去東南亞小島影，張浪花相起初冇諗住用，但見效果好就用埋，影嗰時要配合浪花同黃昏景，無為意個浪就咁打埋嚟，搞到我兩個濕晒，件婚紗濕水好重，好在一Take搞掂，寓意我婚姻就好似影浪花婚紗相咁『一Take過』！」

計劃２年後造人

最近忙拍劇集的長腳蟹感激未婚夫獨力策劃婚禮，她說：「我拍劇冇時間，婚宴畀晒黃生搞，佢好細心，話唔使我煩，只要我出席就得，我覺得我好似去飲咁！我拍埋《女警愛作戰》，二月會去歐洲旅行結婚，但一月會照派利是。（照造人？）順其自然，我想享受兩年二人世界先。」

文：影視組