馬德鐘向妻道歉旅行補鑊

自醉攬陳嘉桓（Rose）後，馬德鐘負面新聞日日新鮮，傳完婚變後，昨日又有消息指他在內地帶醉攬女，兼有相為證。記者就此事求證馬德鐘，他無奈表示該批照片是數年前拍下，暗示有人借舊相炒作新聞：「嗰個係慶功宴，大家玩得好盡興，我飲得好醉，要由工作人員扶住走，佢哋影到嘅其實係工作人員，唔係唔正經嘅人，我都覺得當時飲咁醉好唔啱。」經過連日來發生的事，他已作深切反省，並會盡量避免應酬及飲酒。

陳嘉桓否認多戀事

馬德鐘又指希望借今次機會向太太道歉：「啲報道出咗之後，已有記者去太太工作嘅地方搵佢，我希望大家幫幫手唔好再騷擾我太太。」他又承認太太為事件不快：「因為多騷擾，希望佢可以原諒我。細節嘢唔想再多講，希望所有唔好嘅嘢可以盡快過去。」另有指他因近日新聞影響過檔新公司，馬德鐘否認其事，並強調完成手頭上工作後即緊接接拍另一部劇集；稍後則會與太太旅行休息。

馬德鐘北上發展，未料惹來連串是非。

陳嘉桓被指男友多多，惟昨日即時作出否認。（資料圖片）

而醉攬事件另一主角Rose，昨日被爆曾有多段戀情，其中一名男友更是楊盼盼契仔，就此Rose母親兼經理人Ronnie及楊盼盼契仔均作出否認。文：影視組