Monna側半球曆挫DaDa
有「混血E神」之稱的林宜芝（Monna），趁師姐陳靜（DaDa）今年暫休不推出月曆之際，搏到盡出擊爭一姐地位，以終極性感半裸姿態，露側半球誘宅男。
「百果園咪神」DaDa今年暫停推出性感月曆，其上位師妹、擁有中德血統的「混血E神」Monna，乘機搏到盡爭奪一姐地位，Monna今次突破性感尺度，以前所未見的半裸姿態上陣，赤裸上身僅靠雙手遮掩重要部位，完美背部大呈現之餘，更有側身露半球，誘人程度爆燈。
怕醜自困試身室
Monna坦言今次半裸上陣，坦蕩蕩的拍攝過程相當尷尬，雖然自己全程遮到實，但仍然覺得相當不自然，一度在試身室不肯步出，她說：「今次真係最激嘅一次，影寫真集都未試過半裸，好彩喺室內影，冇咁尷尬，但我真係照咗好耐先敢出嚟。」問到會否大解放以真正全裸示人？Monna笑說：「呢一刻未有勇氣囉，但唔排除有呢個機會o架。」
每月有不同嘗試
Monna透露除了最激的終極半裸，今次月曆亦配合不同月份作一些新嘗試，當中有她最愛的粉紅兔女郎Look，躺在氣球堆力谷不倒胸，效果既甜美又性感；至於另一輯谷盡五吋事業線的戶外照亦讓她非常滿意。
問到是否谷到盡爭一姐地位，Monna說：「我冇諗到咁樣可以爭到一姐地位喎，如果咁容易可以爭到，畀我都無妨，我覺得DaDa個勢都好好，可以接近佢多啲我都好滿意嘞。」
文：追蹤組