關智斌獲點名捧先練「打茄輪」
昨出席記招的英皇藝人均不約而同表示很渴望跟影帝葛優合作，蔡卓妍笑言就算做「掃地」角色也不介意，鍾欣桐甚至說做「路人甲」也可，陳偉霆則表示客串亦不成問題！雖然眾星紛表態，但原來葛優已有心頭好，他表示在後台看到一位不錯的男生，但可惜其國語口音不夠「北京腔」，如果要他演北京人角色很困難，只可以做香港人到北京生活題材的故事。事後楊受成透露該藝人正是關智斌（Kenny），並說：「Kenny頭先同葛優傾咗偈，葛優話佢啲國語渣，我會叫他多練習，呢啲交畀Mani負責。」
對於被指國語「渣」，Kenny說：「唔係呀，我頭先有同葛優傾偈，溝通冇問題，只係北京口音唔得咋。佢哋要卷脷好似打茄輪，我又唔係成日打，之後會練多啲（國語）。好想同影帝級人馬合作，覺得好似攞獎咁。」
而陳偉霆表示後台見到葛優：「好難得有機會畀佢認識我哋新一代演員，我好想合作但又唔好意思自薦。早前有機會夥拍斯琴高娃，佢又係好有禮貌教我做戲，我真係好幸運。」